သမိုင်းစာပီဆိုကေ အ၀ီးကယှောင်လား
တရားစကားဆိုကေ ထောက်ခံသူမကြား
အရက်စကားဆိုကေ ပြောရာပြောထား
အဘာလေ၀ိုင် ညီ နှမ ရို့ဝေ
ကြားလိုက်ချင်ရေ အာပလာစကား
နားထောင်ချင်လိုက်တေ ဂျိ ဂျွတ် စကား
မှတ်ဖွယ်မှတ်ရာ စုံလင်စွာဖြင့်
နောက်ခံမှန်ကြောင်း သမိုင်းကြောင်းကို
ရွီးသူတိမှာ ငယ်မျက်နှာဖြင့်
တွန့်ဆုတ်ပနာ အားငယ်စွာနန့်
ငိုင်မှိုင်နိန်ရ သူရို့ဘ၀တိလေ
ဇာပိုင်ပင် ဖြေဆည်းနိုင်ဖို့သိလေ။
ရခိုင်ကဗျာ ရခိုင်လင်္ကာကို
အားပီးကတ်ပါ ညီနှမရို့
ရွီးစပ်ကတ်ပါ ညီနှမရို့
ဖတ်ကြည့်ကတ်ပါ ညီနှမရို့
ဖြန့်ဝီကတ်ပါ နီးစပ်ရာသို့။
ရခိုင့်စာပီ ရခိုင့်အမွီနန့်
ရခိုင့်လင်္ကာ ရခိုင့်ကဗျာကို
သူ ငါ မဖတ် မကြည့်ကတ်ကေ
ဇာသူလာလို့ ကြည့် ဖတ် ဖို့လေ။
ပြောပြကတ်ပါ ရခိုင်အကြောင်းကို
ထိန်းသိမ်းကတ်ပါ ရခိုင့်အစဉ်အလာကို
ပြောဆိုကတ်ပါ ရခိုင်စကားကို
နားထောင်ကတ်ပါ ရခိုင်သခြင်းကို
ပြောဆိုရွီးစပ် နားထောင်တီးခတ်
တန်ဖိုးထားတတ် အာပီးကတ်ကေ
ဇာလောက်ခေတ်ပြောင်း စနစ်ဟောင်းလည်း
ရခိုင့်တန်ဆာ ရခိုင့်အင်္ဂါတိစွာ
ရခိုင့်ရင်ခွင်နန့် ရခိုင့်နှလုံးအိမ်မှာ
တည်မြဲဖို့ရန် အင်အားတိဗျာယ်ယေ။
No comments:
Post a Comment